ئێران لە پڕۆسەی تۆڵەسەندنەوە کە لە کاردانەوە بە هێرشەکانی ڕژێمی سەهیۆنی دەستیپێکردووە، دەچێتە قۆناغێکی نوێوە. سەرچاوە سەربازییەکانی ئێران رایانگەیاند کە لە چەند ڕۆژی داهاتوودا نەک تەنها ناوچە داگیرکراوەکان بەلکو بنکەکانی ئەمریکا لە ناوچەکە دەکرێنە ئامانج.

سەرچاوەیەکی باڵای سەربازی لە گفتوگۆ لەگەڵ ئاژانسی هەواڵی فارس نیمچە فەرمی ئێران جەختی لەوە کردەوە کە هێرشە تۆڵەسەندنەوەکان دژی رژێمی سەهیۆنی تەنیا سەرەتایەکە.

بەگوێرەی ئەو سەرچاوەیە، شەڕەکە لە چەند ڕۆژی داهاتوودا زیاتر فراوانتر دەبێت و سەرجەم ناوچە داگیرکراوەکان و بنکەکانی ئەمریکا کە لە ناوچەکە جێگیرکراون دەگرێتەوە.

ئەو بەرپرسە سەربازییە جەختی لەوە کردەوە کە ئەو ئۆپڕاسیۆنە سنووردارانەی شەوی ڕابردوو ئەنجامدراون بەس نابن، وتی، "دەستدرێژکاران باجێکی زۆر قورس دەدەن، وەڵامی ئێمە توند و هەمەلایەنە دەبێت."

ئەو بەرپرسە هەروەها رایگەیاندووە کە ئۆپڕاسیۆنەکانی ئێران بەردەوام دەبێت و ئەمە بۆ سەهیۆنییەکان لە رادەبەدەر ئازاربەخش دەبێت. وتیشی، "بەجۆرێک کە هەموو هەنگاوێکیان بە پەشیمانیەوە لەبیریان دەبێتەوە."

ئیدارەی تاران رایدەگەیەنێت کە درێغی ناکات لە کەڵک وەرگرتن لە هێزی ڕاگری دژ بە دەستدرێژی رژێمی سەهیۆنی.(İLKHA)