میدیاکانی ئێران بڵاویان کردەوە کە رژێمی سەهیۆنی سەرلەبەیانی ئەمڕۆ لە فڕۆکەخانەی مەهراباد لە تارانی پایتەخت هەنگاری فڕۆکە جەنگییەکانی کردە ئامانج. بەرگرییە ئاسمانییەکانی ئێران دەستبەجێ وەڵامی هێرشەکەیان دایەوە و باس لەوە کرا کە هێرشەکە زیانی بە ڕێڕەوی فڕین و دامەزراوە سەرەتاییەکان نەگەیاندووە.

بە پێی ڕاپۆرتی ئاژانسە فەرمییەکانی ئێران، رژیمی سەهیۆنی بەرەبەیانی ئەمڕۆ هەوڵی هێرشکردنە سەر فڕۆکەخانەی سەربازیی مەهرابادی تاران داوە. راگەیەندرا کە هێرشەکە بە تایبەتی هەنگاری فڕۆکە جەنگییەکانی کردۆتە ئامانج.

باس لەوە کرا کە سیستەمی بەرگری ئاسمانی ئێران ئامانجی دوژمنکارانەیان گرتە بەر و هێرشەکە هیچ زیانێکی بە ڕێڕەوی فڕین و بینا سەرەکییەکان و دامەزراوە ئاسمانییەکانی فڕۆکەخانەکە نەگەیاندووە. ئاماژە بەوە کرا کە ئەگەری زیانەکان تەنها لە ناوچەی هەنگاردا سنووردار بووە.

هەروەها دەسەڵاتداران رایانگەیاند کە ئاسمانی ئێران بۆ ماوەیەک بە داخراوی دەمێنێتەوە بە هۆکاری ئەمنی. دەسەڵاتدارانی فڕۆکەوانی مەدەنی ئێران رایانگەیاند کە لە نزیکەوە بەدواداچوون بۆ پێشهاتەکان دەکەن و چاوەڕێی هەلومەرجی گونجاون بۆ کردنەوەی ئاسمانی ئێران.(İLKHA)