رژێمی داگیرکەر هێرشی کردە سەر سەربازانی نەتەوە یەکگرتووەکان
13 oC
13 oC
Güneşli
13 oC
Güneşli
رژێمی داگیرکەری سەهیۆنی لە لوبنان تەقەی لە سەربازانی نەتەوە یەکگرتووەکان کرد.
هێزی کاتی نەتەوە یەکگرتووەکان لە لوبنان (یونیفیل) لە بەیاننامەیەکدا رایگەیاند، سوپای داگیرکەر ڕاستەوخۆ تەقەی لە خاڵێکی یونیفیل کردووە لە باشووری گوندی کفر شوبەی لوبنان و ئاماژەی بەوەشکردووە، "یونیفیل نیگەرانە لە ڕەفتاری شەڕانگێزی ئەم دواییەی هێزەکانی بەرگری ئیسرائیل بەرامبەر کارمەندان و سەروەت و سامانی یونیفیل لە نزیک هێڵی شین."
لە بەیاننامەکەدا هاتووە کە تەقە لە پێگەیەکی یونیفیل کراوە، هەروەها ئەم هێرشە یەکەمجارە کە پێگەیەکی یونیفیل ڕاستەوخۆ بکرێتە ئامانج لە دوای ئاگربەستی نێوان ئیسرائیل و لوبنان لە ٢٧ی تشرینی دووەمی ساڵی رابردوو.
هەروەها لە بەیاننامەکەدا هاتووە کە سوپای داگیرکەر لەم دواییانەدا کردەوەی شەڕانگێزی دیکەی لە دژی هێزەکانی یونیفیل ئەنجام داوە، لەوانە هەراسانکردنی هێزەکانی یونیفیل بە لەیزەر و شوێنپێهەڵگرتنیان بە فڕۆکەی بێفڕۆکەوان.
لە راگەیەندراوەکەدا هاتووە، "هەموو ئەکتەرەکان بیردەخەینەوە کە سەلامەتی و ئاسایشی کارمەندان و موڵک و ماڵی نەتەوە یەکگرتووەکان مسۆگەر بکەن و لە هەموو کاتێکدا ڕێز لە پێشێل نەکردنی موڵک و دامەزراوەکانی نەتەوە یەکگرتووەکان بگرن."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
رێکخراوی نێودەوڵەتی کۆچ راگەیاند، لە ٨ی کانوونی یەکەمی ٢٠٢٤یەوە سوریاییەکان گەڕانەوە وڵاتەکەیان و تاوەکو ئێستا ١.٩ ملیۆن کەس گەڕانەوە وڵاتەکەیان.
وەزارەتی تەندروستی فەلەستین راگەیاند، بەهۆی هێرشەکانی هێزەکانی داگیرکەری سەهیۆنی نەخۆشخانەی ئەوروپا لە غەززە لە خزمەت دەرچوو.
لە شارۆچکەی قولەی پارێزگای قۆنیەی وڵاتی تورکیا بوومەلەرزەیەک بە گوڕی ٥.٢ رووی دا.
تۆم فلێچەر، یاریدەدەری سکرتێری گشتی نەتەوە یەکگرتووەکان بۆ کاروباری مرۆیی رایگەیاند، نیوەی دوو ملیۆن و ٣٠٠ هەزار منداڵی یەمەن بەدەست بەدخۆراکییەوە دەناڵێنن.
