وەزیری راگەیاندنی پاکستان، عەتائوڵڵا تەرار رایگەیاند کە زانیاری هەواڵگری باوەڕپێکراویان پێگەیشتووە کە هیندستان بەنیازە لە ماوەی ٢٤ بۆ ٣٦ کاتژمێردا ئۆپڕاسیۆنێکی سەربازی دەستپێبکات بە ئاماژەدان بە هێرشەکەی جامو و کشمیر.

وەزیری راگەیاندنی پاکستان، عەتائوڵڵا تەرار رایگەیاند کە زانیاری هەواڵگری باوەڕپێکراویان پێگەیشتووە کە هیندستان بەنیازە لە ٢٤ بۆ ٣٦ کاتژمێری داهاتوو ئۆپڕاسیۆنی سەربازی دەستپێبکات.

تەرار ئاماژەی بەوەشکردووە، ئامانجی هیندستان ئەم ئۆپڕاسیۆنە ئەنجام بدات بە بەکارهێنانی هێرشەکەی ناوچەی پاهالگام لە جامو و کشمیر وەک بیانوویەک کە تێیدا ٢٦ کەس گیانیان لەدەستداوە.

پاکستان رایگەیاندووە کە پێشنیاری کردووە کە لە لایەن کۆمیسیۆنێکی بێلایەنەوە لێکۆڵینەوە لە هێرشەکە بکرێت، بەڵام هیندستان پێشنیارەکەی ڕەتکردەوە.

تەرار جەختی لەوە کردەوە کە هەر هێرشێکی هیندستان بە "بە توندی و یەکلاکەرەوە" وەڵامی دەدرێتەوە و کۆمەڵگەی نێودەوڵەتیشی ئاگادارکردەوە کە بەرپرسیارێتی دەرئەنجامە ئەگەرییەکان لە ئەستۆی هیندستاندایە .

هەروەها خواجە محەمەد ئاسیف وەزیری بەرگری پاکستان رایگەیاند کە دەستێوەردانی سەربازی هیندستان لە ئارادایە.

ئاسیف ئاماژەی بەوەشکرد، سوپای پاکستان بۆ ئەگەری هێرشێک ئامادەیە و ڕێوشوێنی ستراتیژی دەگرێتەبەر. هەروەها ڕایگەیاندووە کە چەکی ئەتۆمی تەنها لە حاڵەتی هەڕەشەی ڕاستەوخۆ بۆ سەر بوونی پاکستان بەکاردەهێنرێت.(İLKHA)