گوندەکانی کەناری ڕۆژئاوا ڕووبەڕووی داگیرکاری و وێرانکاریی سیستماتیک دەبنەوە. لە گوندی ئوم سەفا، داگیرکەرانی سەهیۆنی لە سەعاتەکانی سەرلەبەیانی ئەمڕۆوە دەستیان کرد بە وێرانکردنی زەوییە فەلەستینییەکان بە کەرەستەی بیناسازی.

بەرەبەیانی ئەمڕۆ داگیرکەرانی سەهیۆنی بە ئامێرەکانی بیناسازی دەستیان کرد بە وێرانکردنی زەوییە فەلەستینییەکان لە گوندی ئوم سەفا لە باکووری ڕۆژئاوای ڕامەڵڵا.

مەروان سەباح، سەرۆکی ئەنجومەنی گوندی ئوم سەفا لە بەیاننامەیەکدا ڕایگەیاندووە، کۆمەڵێک داگیرکەر دەستیانکردووە بە تەختکردن و دەستبەسەرداگرتنی زەوی لە ناوچەی نێوان گوندەکانی ئوم سەفا و دێر سودان.

سەباح باسی لەوەش کرد کە داگیرکەران لەم دواییانەدا سەدان دۆنم زەوییان لە ناوچەی جەبەل ئەلڕەس لە ڕۆژهەڵاتی گوندەکە وێران کردووە و زیاتر لە ٣٠٠ داری زەیتون و ترێیان لە ڕەگەوە بڕیوە.

ئێستا داگیرکەران چاویان بەرەو باکووری گوندەکە کردووە و بە ئامانجی فراوانکردنی ئەو نیشتەجێبوونە نایاساییەی کە لەو ناوچەیەدا دروستکراوە، بەردەوامن لە وێرانکارییەکان.(İLKHA)