ئاژانسی هاوکاری بۆ پەنابەرانی فەلەستینی لە ڕۆژهەڵاتی نزیک (ئونروا) راگەیاند، لە غەززە نزیکەی ٦٦٠ هەزار منداڵ بەهۆی شەڕ لە پەروەردەیی بێ بەش بوونەتە.

ئونروا لە هەژمارەی خۆی لە تۆڕی کۆمەڵایەتی ئێکس راگەیاند، "لە غەززە نزیکەی ٦٦٠ هەزار منداڵ بەهۆی شەڕ لە پەروەردەیی بێ بەش بوونەتە. ئاگربەست لە سەرەتای ئەمساڵدا دەرفەتی ئەوەی بە منداڵانی غەززە بەخشی کە بتوانن بژین و دووبارە منداڵ بن. شەڕی نوێبووەوە، جارێکی دیکە خەریکە منداڵییان بێبەش دەکات."

ئاژانسەکە بانگێشتی ئاگربەستی بەپەلە بۆ غەززە کرد.

ئونروا باسی لەوە کرد، ئاژانسەکە ئێستا بەڕێوبەرایەتی ١١٥ پەناگا دەکات و لەوێ زیاتر لە ٩٠ هەزار ئاوارە دەمێنن.

ئاژانسەکە جەختی لەوە کرد کە بەهۆی هێرشەکان و بەردەوامبوونی گەماڕۆی سەر غەززە قەیرانی مرۆیی قوڵتر دەبێت.

بە پێی راگەیەندراوی نەتەوە یەکگرتووەکان، دوای ئاگربەست نزیکەی ٤٢٠ هەزار کەس دووبارە ئاوارە بوونەتە.(İLKHA)