رێکخراوی تەندروستی جیهانی راگەیاند، بەهۆی شەڕەکەی سوودان لە وڵات ٦.٨ ملیۆن کەس ئاوارە بوون.

قەیرانی مرۆیی و شەڕ و ئاوارەبوون و نەخۆشییەکانی واگیردار لە وڵاتی سوودان بەردەوامن.

محەمەد تەوفیق مەشعەل نوێنەری رێکخراوی تەندروستی جیهانی لە سوودان ئاماژەی بەوە کرد کە شەڕی نێوان سوپای سوودان و هێزەکانی پشتیوانی خێرا ٨ مانگە بەردەوامە و کاریگەری رووداوەکە بە سەر هاوڵاتیان هەبووە.

ناوبراو ئاماژەی بەوە کرد کە لە مانگی نیسان تاوەکو ئێستا ١٢ هەزار و ٢٦٠ کەس کوژران و ٣٣ هەزار کەسیش بریندار بوون.

مەشعەل ئاماژەی بەوە کرد کە سوودان رووبەڕووی گەورەترین قەیرانی ئاوارەبوونی بووە و نزیکەی ٦.٨ ملیۆن کەس ئاوارە بوونەتەوە و پەنایان بە وڵاتانی دراوسێ بردووە.

نوێنەرەکە باس لە دژواری گەیاندنی هاوکارییەکانی تەندروستی بۆ ئاوارەکان و بڵاوبوونی نەخۆشییەکان کرد و جەختی لەوە کرد کە رەوشەکە رۆژ بە ڕۆژ خراپتر دەبێت.(İLKHA)