پەکەکە/یەپەگەی کە لە ژێر ناوی هێزەکانی سوریای دیموکراتیک (هەسەدە) لە رۆژئاوا چالاکییەکانی هەیە لە قامشلۆ و حەسەکە ٤ منداڵی ڕفاند و چەکداریان کرد.

تۆڕی مافەکانی مرۆیی سوریا راگەیاند کە بزووتنەوەی گەنجانی شۆڕشگەر سەر بە پەکەکە/پەیەدە لە گەڕەکی ژۆری قامشلۆ ٤ منداڵی ڕفاند و چەکداریان کرد.

دەستنیشان کرا، تەمەنی منداڵەکان لە نێوان ١٢-١٣ ساڵ بووە و خانەوادەی منداڵەکان سەردانیان بۆ دەزگاکانی سەر بە رێکخراوەکە کردووە بەڵام ئەنجامێکی نەبووە.

هەروەها باس لەوە کرا، لە حەسەکە منداڵێکی ١٣ ساڵە ڕفێندراوە و خانەوادەکەی هەواڵێک لەبارەی بە دەست ناهێنێت.

بە پێی راپۆرتی دەزگاکانی نێودەوڵەتی سەربەخۆ پەکەکە چەندین ساڵە لە باکوور و رۆژئاوا منداڵەکان دەڕفێنێت و چەکداریان دەکات.

پەکەکە نزیکەی ٤٠ ساڵە جگە لە شەڕ، خوێن و فرمێسک هیچ سوودێکی بۆ گەلی کورد نەبووە و لە ساڵی ١٩٩٤ەوە بە شێوەیەکی سیستەماتیک منداڵەکان وەک ئەندام بەکار دەهێنێت. لە چەند ساڵی کۆتاییدا چالاکییەکانی لە رۆژئاوا چڕ کردووە و منداڵەکان دەڕفێنێت.

ئەمەش دەزانرێت کە بەشێکی گەورەی ئەندامە چەکدارەکانی پەکەکە لە منداڵەکانی ١٥-١٨ ساڵان پێکدێت و ئەم ژمارەیەی باسی دەکرێت منداڵەکانی خوار ١٥ ساڵە.

لەگەڵ ئەوەی ناڕەزایەتییەکان لە بەرامبەر پەکەکە بەردەوامن بەڵام پەکەکە بەردەوامە لە ڕفاندن و چەکدار کردنی منداڵەکان.(İLKHA)