Parlamenterê HUDA PARê û Serokê Polîtîkayên Ciwanan Faruk Dînç diyar kir ku tiryakfiroşî pêşeroja ciwanan tarî dike û ew ê di panela ku ew ê di 7ê Kanûnê de li Dîyarbekirê li dar bixin de hewlên xwe yên ji bo çareserkirina vê pirsgirêkê bidomînin.

Panela "Têkiliya Maddeyan" dê ji terf Rêveberiya Polîtîkayên Ciwanan a HUDA PARê ve roja Yekşemê 7ê Kanûnê li Hola Konferansê ya Mizgefta Selahaddîn Eyyûbî ya Dîyarbekirê were lidarxistin.

Serokê Polîtîkayên Ciwanan ê HUDA PARê û Parlamenterê Mêrsînê Faruk Dînç derbarê panelê de ji ÎLKHAyê re axivî û diyar kir ku tiryak jiyan û pêşeroja ciwanan xera dike û got, "Em ê niha ji bo têkoşîna li dijî vê jehrê seferberiyek giştî bidin destpêkirin. Em hemû xelkê Dîyarbekirê dawerî vê panelê dikin."

"Em ê di 7ê Kanûnê de li Dîyarbekirê li ser têkoşîna li dijî tiryakê panelek lidar bixin"

Dînç diyar kir, "Ji niha û pê ve, em ê li her derê di têkoşîna li dijî tiryakê de seferber bibin. Ji ber ku mixabin, bi her roja ku derbas dibe, ev jehra tiryakê, ev nexweşiya tiryakê, hem jiyan û hem jî pêşeroja ciwanên me tarî dike. Ji ber vê yekê, dawiya vê hefteyê, di 7ê Kanûnê de, em ê li Dîyarbekirê panelek li ser têkoşîna li dijî tiryakê li dar bixin, û em hemû xelkê Dîyarbekirê dawetî vê panelê dikin. Ji niha û pê ve, divê em bi hev re li dijî vê jehrê şer bikin."

"Em ê heta ku pirsgirêka maddeyên hişber ji rojeva welatê me were rakirin, têbikoşin"

Dînç diyar kir ku ew bi hemî saziyên peywendîdar re di têkiliyê de ne û axaftina xwe wiha domand:

Mixabin, têkoşîna li dijî vê jehrê bi tenê bi yek saziyekê nayê çareserkirin. Aliyê perwerdehiyê, aliyê tenduristiyê, Wezareta Dadê, Wezareta Karên Hundir, tedbîrên polêsan, rêxistinên civaka sîvîl, Rêveberiya Karûbarên Dînî û pêşengên raya giştî… Bi rastî, divê niha tevahiya civakê ji bo têkoşîna li dijî tiryakê hêzên xwe bike yek. Ji ber vê yekê, bi îzna Xwedê, em ê vê dawiya hefteyê li Dîyarbekirê panelekê li dar bixin. Û em ê tenê bi vê panelê razî nebin; bi îzna Xwedê, em ê meşan jî li dar bixin û derkevin kolanan. Heta ku ev belaya tiryakê êdî di rojeva welatê me de nebe.”

"Me li ser vê mijarê li Enqereyê panelek li dar xist"

Di dawiyê de, Dînç got, "Me li ser vê mijarê li Enqereyê panelek li dar xist. Em ê vê dawiya hefteyê li Dîyarbekirê li dar bixin. Piştî wê, em ê hêvîdar bin ku vê panelê li Edeneyê li dar bixin. Dibe ku paşê, em ê li Stenbolê komxebatek li ser tiryakê li dar bixin. Û ev ne mijarek e ku tenê bi daxuyaniyek çapemeniyê, panelek an komxebatek were paşguh kirin. Em ê hewldanên xwe yên ji bo hişyarkirinê bidomînin. Bi heman awayî, min di derbarê tedbîrên pêwîst de bi wezaretên têkildar re têkilî danî. Me bi Wezîrê Karên Hundir, Wezîrê Malbat û Xizmetên Civakî, Wezîrê Perwerdehiyê û Wezîrê Tenduristiyê re têkilî danî. Em ê bi wezîrên xwe yên din re jî têkilî daynin. Me di vê mijarê de raporek jî amade kiriye, û em ê bi xebata li qadê, hevdîtina bi tiryakfiroşan re û guhdarîkirina ciwanên xwe, li ser çareserkirina vê pirsgirêkê bixebitin." (ÎLKHA)