Li navçeya Bismil a Dîyarbekirê di operasyoneke li dijî hilberînerên maddeyên hişber de, 2 ton û 200 kîlogram esrar hat desteserkirin. Her sê şikdarên ku di operasyonê de hatibûn binçavkirin, hatin girtin.

Li gorî daxuyaniya Wezareta Karên Navxweyî, operasyon bi hevrêziya Daîreya Sûcên Narkotîk a Fermandariya Giştî ya Cendermeyan û Dozgeriya Komarê ya Bismilê, ji aliyê ekîbên Şaxa Narkotîk û Îstîxbaratê ya Fermandariya Cendermeyan a Bajara Dîyarbekirê û Fermandariya Cendermeyan a Navçeya Bismilê ve hat kirin.

Piştî komkirina agahiyên îstîxbaratî, li navçeya Bismilê operasyonek hat kirin û hat tespîtkirin ku gumanbar bi çêkirin û firotina narkotîkê ve mijûl in.

Di operasyonê de 2 ton û 200 kîlogram esrar hat desteserkirin, her sê gumanbarên ku hatibûn girtin jî hatin girtin.

Wezareta Karên Navxweyî di daxuyaniya xwe de diyar kir ku têkoşîna li dijî firoşkarên madeyên hişber ên ku pêşeroja ciwanan, aramiya malbatan û ewlehiya civakê hedef digirin, ew ê berdewam bike. (ÎLKHA)