Daxuyaniya serokwezîrê qaşo yê rejîma sîyonîst Binyamîn Netanyahu ku dibêje axa Sûrîyê ya Girên Golanê ya îşxalkirî "axa me ye û ew ê her û her a me bimîne", û îddîaya xwe bi vegotinên dînî û dîrokî rewa dike, rastî rexneyan hat.

Ev daxuyanî, piştî ku Kolombiyayê serweriya qaşo rejîma sîyonîst li ser Golanê nas kir, wekî hewldanek ji bo rewakirina îşxalkirinê bi îddîayên dînî û dîrokî, bû sedema nerazîbûnê.

Netanyahu, ji bo parastina kontrola qaşo welatê xwe li ser Girên Golanê, her wiha vegotineke dînî derbarê herêmê de bi kar anî û îddîa kir ku "Rehên me ji dema bajarên penaberiyê yên ku ji hêla Mûsa ve hatine destnîşankirin vir in."

Daxuyaniyên Netanyahu li ser medyaya civakî û di qada giştî de rastî bertekên tund hatin. Gelek bikarhêner û lêkolîneran destnîşan kirin ku vegotinên dînî û dîrokî nikarin rewatiya qanûnî bidin îşxalkirinê, û tekez kirin ku Girên Golanê li gorî qanûnên navneteweyî axa Sûrîyeyê ne û di bin îşxalkirinê de ne. (ÎLKHA)