Karwana Hêvîyê ya Dîyarbekirê ji bo xêra mihtacan kermesek vekir
13 oC
13 oC
Güneşli
13 oC
Güneşli
Karwana Hêvîyê yê Dîyarbekirê ku ji bo êtîm, mihtac û sêwîyan alîkarîyan li dar dixe, li Qada Şêx Seîd ji bo xêra malbatên mihtac kermesek vekir.
Karwana Hêvîyê armanc dike ku ew ê bi qezenca di kermesê de ji malbatên mihtac re lazimatîyan bistînin û ew ê kermes jî heta 30yê Cotmehê vekirî be.
Hat îfadekirin ku di kermesê de ji amûrên metbexê, xurdewat, cil û bergên zarok, zilam û pîrekan, solan, xwarin û şêranî hene.
Serokê Karwana Hêvîyê Emîn Akyuz, îfade kir ku kermes ew ê heta 30yê Cotmehê berdewam bike û ji xêrxwazên ku piştgirîyê dane kermesê re jî sipasîyan kir.
“Qezenca ku di kermesê de werin bidestxistin wê ji mexdûr û mihtacan re werin xerckirin”
Akyuz îfade kir ku ew vê kermesê kirine wek kevneşopîyek û got, “Hemd ji Xwedê re ku em wek Karwana Hêvîyê îsal jî kermesa ku me kirîye wek kevneşopîyek vekirîye. Kermesa me li Qada Şêx Seîda ku li navçeya Surê ye hatîye vekirin. Ew ê kermesa me heta 30yê Cotmehê berdewam bike û wê her roj heta seatê 20.00an bidome. Em ê qezencên ku ji li vê deêr bidestbixin ji bo mexdûr û mihtacan re bikarbînin.”
Akyuz ji welatîyan re jî bang kir û weha got, “Banga me ya ji welatîyên me re ev e ku bila danûstandinên xwe ji li vê derê bikin, û ew dikarin li kermesa me bexşan jî bikin. yanê heger ew jî bixwazin ku ji vê kerwana xêrê re destekê bidin bila werin li vê derê û lazimatîyên xwe ji li vê bistînin. Gelek tiştên me hene. Ji xalîyan bigrin, heta tiştên elektronîkî, ji cil û bergan bigre heta xwarinê curbecur tiştên me hene. Em ji xêrxwazên xwe re teşekuran dikin, Xwedê xêra wan qebûl bike. Xwedê kermesa me bike wesîleya xêrê.” (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Parlamenterê HUDA PARÊ Serkan Ramanli, di “Komxebata Çareserîya Însanî ya Ji Bo Meseleya Kurd” de axivî û got, “Em ê bibine şirîk desthilatdarîyê ku em karibin desthilatdarîyê de bibine şirîk, em ê bighîjîne heq û mafê xwe jî. Rê bellî ye. Rê rêya sîyasetê, rêya meşrû û rêya sîvîl e.”
Dr. Sirri Şik, Muftiyê Wanê di “Komxebata Çareserîya Însanî ya Ji Bo Meseleya Kurd” de got, "Dema ku mirovahî an jî Ummet li dû pirsgirêkên xwe ye, divê em ji bîr nekin ku Îslam, di heman demê de ku em hewl didin ku di warê nirxên mirovî an jî nirxên Ummetê de bigihîjin astek diyarkirî ya hevgirtinê, bi destûra Xwedê, tu kesî ji me neçarî bêçaretîyê nake."
Prof. Dr. Abdulhadi Timurtaş, Rêveberê Enstîtuya Zimanên Zindî ya Zanîngeha Van Yuzuncu Yıl, di “Komxebata Çareserîya Însanî Ji Bo Meseleya Kurd" de got, "Zimanê Kurdî gihîştiye astek ku amade ye û dikare bibe zimanê pergalek perwerdehiyê ya berfireh."
Alîkarê Serokê Giştî yê HUDA PARê Îshak Saglam di “Komxebata Çareserîya Însanî Ji Bo Meseleya Kurd” de axivî û got, “Meseleya Kurd bes ne tenê mesleya Tirkîyeyê ye. Ev meseleyeke ku hem cîranên me yên nêz û hem jî dûr rasterast eleqe dike. Nirxandina vê meseleyê ya di warê tenê şibaka ewlehîyê de, tê vê maneyê ku rêyên hemû çareserîyên ji serî ve têne girtin.”
