Yemenê, daxuyand ku ew ji bona ku ji qirkirina ku rejima îşxalker li Xezzeyê pêk tîne re bersivê bidin ji baregeha hewa ya bi navê “Ramat Davîd” ku li axên Filistîna îşxalkirîye re bi fuzeyên balîstîkî operasyon li dar xistine.

Di daxuyanîya ku ji teref Hêzên Çekdar ê Yemenê ve hat belavkirin de hat îfadekirin ku operasyon bi armanca destekdayîna ji gelê Filistîn û berxwedêran re hatîye lidarxistin, ji ber vê yekê Baregeha Hewaya Ramît Davîd a ku li rojhilata Heyfayê ye bi fuzeya balîstîkî ya bi navê “Filistîn-2”yan operasyonek hat lidarxistin. Sîstemên parastina rejima îşxalker nikaribûye fuzeyê bide sekinandin û fuze li hedefa xwe xistîye.

Daxuyanîya ku hat belavkirin weha ye, “Em wek Hêzên Çekdar ê Yemenê, micahîdên ku li Xezzeya dorpêçkirî û di bin êrîşan de bi qehremanî berxwe didin silav dikin û îlan dikin ku em bi hemû îmkanên xwe bi wan re mil bi mil in. Heta ku êrîşên li dijî Xezzeyê têne kirin bêne sekinandin û dorpêç bê rakirin ew ê operasyonên me berdewam bikin.”

Artêşa Yemenê di daxuyanîyê de weha jî got, “Xwedê ji me re bes e, ew çi wekîlekî xweş e; her bijî Yemena azad û serbixwe. Zefer bila ya Yemenê û hemû ewladên azad ên ummetê be.” (ÎLKHA)