Serokê Emrîkayê Donald Trump got ku eger di danûstandinên bi Îranê re rêkeftinek çênebe, dê di demek nêzîk de keştiyeke din a balafiran ber bi Rojhilata Navîn ve biçe.

Trump dema ku ji bo biçe baregeha leşkerî ya Fort Bragg li Karolînaya Bakur ji Qesra Spî derket, pirsên rojnamevanan bersivandin.

Trump di bersiva pirsekê de li ser şandina duyemîn keştiyeke balafiran bo Rojhilata Navîn, bal kişand ser danûstandinên berdewam ên bi rejîma Tehranê re. Trump got, "Heke em nikaribin bi Îranê re li hev bikin, em ê hewceyê wê keştiyê bin."

Trump tekez kir ku hêna bi Îranê re ti rêkeftinek çênebûye û îşaret kir ku hebûna leşkerî li herêmê dikare were zêdekirin. Trump bi bîr xist ku berê keştiyeke balafiran li herêmê bi cih bûye û got, "Dibe ku keştiyeke duyemîn di demek nêzîk de bi rê ve biçe. Ger hewce bike, amade ye. Tiştê ku em qala wê dikin hêzeke pir, pir mezin e."

Trump di derbarê encamên danûstandinan de geşbîniya xwe anî ziman lê îşaret kir ku heke encamek neyê bidestxistin dê tedbîrên tund werin sepandin. Trump diyar kir, "Ez difikirim ku danûstandin dê serkeftî bin. Lê heke ne serkeftî bin, dê encamên pir xirab ji bo Îranê hebin." (ÎLKHA)