Hêzên ewlehiyê yên girêdayî HAMASê, sê sîxurên ku li Xezzeyê bi rejîma siyonîst re hevkariyê dikirin, îdam kirin.

Çavkaniyên ewlehiyê diyar kirin ku yek ji wan kesên ku hatine îdamkirin di tevahiya salê de di meqamên girêdayî ajansa îstîxbaratê ya rejîma siyonîst de xizmet kiriye û zirarên giran daye berxwedanê. HAMASê tekez kir ku li dijî xayînan tu tawîz nayê dayîn.

Daxuyaniyên berê nîşan didan ku sîxur û hevkarên girêdayî rejîma siyonîst derbarê girtî û tunelên berxwedanê de agahiyan berhev dikin û ciwan bi rêbazên cûrbecûr têne xapandin nav van xefikan. HAMAS ragihand ku ew ê li dû van sîxuran biçe û cezayê ku heq dikin bişîne.

Ev pêşketin di bin siya êrîşên rejîma siyonîst a li ser Xezzeyê ji 7ê Cotmeha 2023an vir ve û qeyrana mirovî ya ku ji ber wê çêbûye de pêk hatin.

Heta niha di êrîşan de zêdetirî 229 hezar Filistînî şehîd bûne an jî birîndar bûne. Bi sed hezaran kes neçar mane ku ji malên xwe derkevin û herî kêm 411 kes jî ji ber birçîbûnê mirine. (ÎLKHA)