Berdevkê Serîyyeyên Qudsê Ebû Hamza, daxuyand ku hinek fermandarên konseya bilind û leşkerî yên tevgerê şehîd bûne.

Berdevkê Serîyyeyên Qudsê Ebû Hamza baskê leşkerî yê Tevgera Cîhada Îslamî, şehîdên ku di operasyona “Tofana Eqsayê” de ku li Xezzeyê tê meşandin hatine şehîdkirin diyar kir.

Ebû Hamza li ser qenala Telegramê bi vîdeoyî daxuyanîyek parve kir.

Berdevkê nû Ebû Hamza, di daxuyanîyê de “Nacî Maher Ebû Seyf” ku bi kunyeya “Ebû Hamza” dihat naskirin û wezîfeya “berdevkê leşkerî” bikar dianît jî yad kir.

Ebû Hamza di daxuyanîya xwe de îfade kir ku dijmin di herba xwe de weka ku ji operasyonên leşkerî re bersivê bide herbekî nedimeşand, ew li hember gelê mezlum wek wehşîyane û barbarî herbekî da destpêkirin, Wî bal kişand ku bersiva dijmin, bi tevî piştgirîya Emrîkayê armanca wan a qirkirin û wehşetê ya li ser gelê mezlum nîşan dide.

Di daxuyanîyê de Ebû Hamza weha got, “Dijmin, bi kuştina bi dehhezaran sîvîlan ku di nav wan de zarok û pîrekên mezlum jî hene xwe bi zelalî nîşan daye ku ew çi armanc dike.”

Berdevkê Serîyyeyên Qudsê Ebû Hamza destnîşan kir ku di navbera Serîyyeyên Qudsê û Tûgayên Qessam de tu carî têkilî qut nebûye, û ew îfade kir ku bi peymana agirbestê re jî bi temamî girêdayî ne, wê di vê pêvajoyê de jî got ku ew ê “tewra dijmin bişopînin”. (ÎLKHA)