Komîsyona Karên Tesfîye û Ewlehîya Emîrtîya Îslamî ya Efxenistanê, di warê alîkarîya ji bo erdhejzedeyan de civînek li dar xist.

Hat îfadekirin ku di civînê de ji bona ku jîyana erdhejzedeyan ji jîyaneke normal re vegere tedbîr hatin girtin.

Komîsyona Karên Tesfîye û Ewlehîya Emîrtîya Îslamî ya Efxenistanê, civînê di bin serokatîya Wezîrê Parastina Netewî û mesulê komîsyonê Mewlewî Muhammed Yakup Mucahîd de hat lidarxistin.

Di civînê de xemgînî hatin anîtin ziman. Berşdervanan ji bo mirovên ku canê xwe ji dest dane mexfîretê xwestin, ji bo birîndaran jî duayan kirin.

Hat destnîşankirin ku heta lazimatîyên bingeh ên erdhejzedeyan werin temînkirin ew ê hêzên ewlehîyê li cem û kêleka xelkê bin.

Hat ragihandin ku ji bo gel ji jîyana xwe ya normal re vegere ew ê hemû tedbîr werin girtin.

Di dawîya civînê de biryar hat girtin ku Wezareta Karên Hindir û Wezareta Parastinê jî di nav de hemû sazîyên sîvîl û ewlehîyê, xizmeta gel bidin pêşevanîya xwe, ew ê xebatên xwe hevpar di heman demî de bidin meşandin.

Di 31ê Tebaxê de di seat 23.47an de li wîlayeta Nangarharê di mezinahîya 6an de erdhejek rûdabû.

Di encama erdhejê de heta niha 1411 kesan canê xwe ji dest dan, 3 hezar û 124 kes jî birîndar bûn. (ÎLKHA)