Bi operasyona ku Îranê bi navê "Wedê Sadiq 3" bi nav kir, ku tê wateya "sozên herî rast", derbeyên giran li herêmên hundirîn ên îşxalkerên sîyonîst xistin. Bahoza ku li Rîşon Leziyen, Tel Avîv û derdora wê hat jiyîn, xeyala "ewlehiyê" ya îşxalkeran şikand.

Operasyona "Wedê Sadiq 3" a Îranê ku bi mûşekên pir rast û dirust tê meşandin, rejîma îşxalker a sîyonîst dihêjîne.

Gelek êrîşên li ser Tel Avîv, Rîşon Lezîyon, Negev û deverên din ên îşxalkirî kêmasiya "qubbeya hesinî" û pergalên din ên parastinê yên îşxalkeran eşkere kirine.

Li gorî daxuyaniyên fermî, di êrîşan de 3 îşxalker hatin kuştin û zêdetirî 90 kes birîndar bûn. Di encama êrîşan de, bi dehan avahî hatin wêrankirin, gelek wesayît û binesaziyên cuda hatin hilweşandin. Bi taybetî, avahiyek 32 qatî li herêma Tel Avîvê zirar dît û hate ragihandin ku bi qasî 300 îşxalker ji malên xwe hatin derxistin.

Wekî ku ji teref Pasdaranan ve hatiye ragihandin, mûşek û balafirên bêmirov ên ku di operasyonan de hatine bikaranîn teknolojiya wan bilind e û ziyanek mezin gihandiye hedefan. Karbidestên payebilind ên Îranê diyar kirin ku "êdî tu dever li îsraîlê ewle nîne" û ragihandin ku bersiv wê tundtir berdewam bikin.

Rejîma sîyonîst hewl dide ku bi rêkirina xelkê ber bi "stargehan" krîzê kontrol bike. Lêbelê, wêne û îtîrafên medyaya îşxalker nîşan didin ku sîyonîst ji bo sîyaseta hêzê ya ku bi salan e li dijî Filistîniyan bikar tînin, xelatek piralî distînin.

Pispor diyar dikin ku ev pêşketin encama polîtîkayên berfirehker û êrîşkar ên rejîma îşxalker li herêmê ne. Piştî dorpêç û bombebarana 20 mehan a li Xezzeyê, berteka tund a Îranê ji wê astê ye ku dê hevsengiya hêzê li herêmê biguherîne.

Her çiqas ev êrîş sembola hilweşîna gotara "ewlehiyê" ya rejîma îşxalker bin jî, wan careke din hêza edalet û berxwedanê ji bo gelê Filistînî û gelên herêmê eşkere kiriye. (ÎLKHA)