Serokê Venezuelayê Nicolas Maduro diyar kir ku saziyên Neteweyên Yekbûyî hilweşiyane û got, "Li hemberî komkujiyên rojane yên li Filistînê diqewimin, ti nirxek ji saziyên NY re nemaye."

Maduro diyar kir ku "Neteweyên Yekbûyî li hember wehşetên li dijî gelê Filistînê tê kirin têrê nake", vê rewşê wekî "îflasa pergala NY" bi nav kir .

Maduro her wiha rasterast paytextên navborî sûcdar kir û got, "Hikûmetên Berlîn, Parîs, London û Washingtonê di vê komkujiyê de şirîkê vê ne . "

Serokê dewletê di axaftina xwe de şîddeta rojane ya ku rejîma sîyonîst li dijî sîvîlên li Xezzeyê û Şerîaya Rojava, digel astengiyên bejahî, hewayî û alîkariyê pêk tîne, wekî "komkujiyek bê mînak di dîrokê de" bi nav kir. Wî diyar kir ku NY û mekanîzmayên navneteweyî yên têkildar nekarîn di vê rewşê de mudaxele bikin.

Maduro got ku Venezuela dê ji bo rawestandina krîza mirovî ya li Xezzeyê bangek bilez li Civata Giştî ya Neteweyên Yekbûyî û Konseya Ewlekariyê bike, û got ku ew li kêleka gelê Filistînê ne, ne tenê piştgiriya leşkerî, lê di heman demê de piştgiriya aborî û dîplomatîk jî peyda dikin.

Rêberê Venezuelayê berê îddîa kiribû ku divê li hember rewşa li Xezzeyê, ku ji hêla Neteweyên Yekbûyî û Dadgeha Cezayê ya Navneteweyî ve wekî "qirkirinê" hatiye pênasekirin, mueyîdeyên û ceza bên sepandin. (ÎLKHA)