Ji ber ku rejîma sîyonîst êrîşên xwe yên li ser Xezzeyê didomîne, ji sibeha Înê vir ve 70 Filistînî şehîd bûne. Bombebaran û êrîşan mal, kon û sîvîlên ku li benda alîkarîyê bûn hedef girtin.

Êrîşên li Xezzeyê ku ji doh ve berdewam dikin, bûne sedema qetlîameke nû. Li gorî çavkaniyên tenduristiyê, roja Înê herî kêm 70 Filistînî şehîd bûn.

Çavkanîyan ragihandin ku êrîş li gelek deverên bajêr kom bûne, mal û konan kirine hedef, û sîvîl jî hatine hedefgirtin. Gelek xanî bi tevahî ji ber bombebaranê wêran bûne û konên ku malbatên koçber lê diman jî hatine lêdan.

Hat ragihandin ku heşt kes ji bin kavilan hatine rizgarkirin, neh kesên din jî ji ber birînên xwe canê xwe ji dest dane. Neh kesên din jî dema ku sîvîlên ku li rêzê li benda alîkarîyê bûn hatin gulebarankirin, û di encamê de hatin şehîdkirin.

Çavkanîyên tenduristiyê yên li herêmê fikarên xwe anîn ziman ku ji ber ku êrîş bênavber berdewam dikin, hejmara şehîd û birîndaran dê zêde bibe. (ÎLKHA)