Li Almatiya Qazaxistanê di operasyoneke narkotîkê de 13 ton û 183 kîlo kokaîn hat desteserkirin, ku ev mezintirîn barkêşiya kokaînê ya di dîroka welat de ye.

Di daxuyaniya Komîteya Ewlekariya Neteweyî ya Qazaxistanê de hat diyarkirin ku di operasyona narkotîkê ya ji bo têkbirina tora navneteweyî ya bazirganiya narkotîkê de li bajarê Almatiyê 13 ton û 183 kîlogram kokaîn hatiye desteserkirin, ku ev wekî mezintirîn desteserkirina narkotîkê di dîroka welat de hatiye qeydkirin.

Di daxuyanîyê de hat diyarkirin ku plan dihat kirin ku maddeyên hişber bi rêya Qazaxistanê bo welatên sêyemîn werin veguhastin û wiha hat gotin, "Du welatîyên biyanî bi şibheya ku di organîzekirina tora belavkirina maddeyên hişber de beşdar in, hatin binçavkirin û girtin."

Di daxuyanîyê de hat destnîşankirin ku li ser vê mijarê lêpirsîn hatiye destpêkirin. (ÎLKHA)