Li başûrrojavaya Pakistanê teqînek pêk hat, di encama teqînê de 13 kesan canê xwe ji dest dan, 31 kes jî birîndar bûn.

Rayedarên polês û tenduristîyê, diyar kirin ku di teqîna li Belucistana Pakistanê pêk hat de herî kêm 13 kesan canê xwe ji dest dan, 31 kes jî birîndar bûn.

Rayedaran di daxuyanîyên ku belav kirin de îfade kirin ku rewşa hinek birîndaran giran in, ji ber vê yekê dibe ku hejmarê mirîyan zêde bibin.

Çavkanîyên polêsan, gotin ku teqîn li nêzê civîneke sîyasî ya ku li herêma Stadyûma Şahwanîya Kettaya wîlayeta peytext pêk hatîye.

Rayedarên hikûmetê, destnîşan kirin ku teqîn wisa xuya dike ku teqîneke xwekuj e, ji bona ku sedema zelal a teqînê were tespît kirin û ji bo failên dinê werin qefaltin tehqîqat dane destpêkirin.

Hat destnîşankirin ku piştî teqînê ji herêmê re gelek ekîbên polês û tenduristîyê hatin şandin, mirovên birîndar bi ambûlansan ji nexweşxaneyan re hatin rakirin.

Hêj tu kes xwedî li êrîşê derneket. (ÎLKHA)