Di êrîşeke çekdarî ku li bakurê rojavayê Pakistanê hat lidarxistin de 7 kes hatin kuştin û yek jî birîndar bû.

Polêsê Pakistanê ragihand ku di êrîşeke çekdarî ku li parêzgeha Xayber Paktûnxwa ya bakurê rojavayê Pakistanê hat lidarxistin de, heft endamên komîteya aştiyê ya alîgirê hikûmetê hatin kuştin û kesek jî birîndar bû.

Li gorî polêsan, çekdarên bi çekên giran derengiya şevê êrîşî baregeha komîteya aştiyê ya li navçeya Bannu kirin, û di encamê de şerekî dijwar ê bi saetan berdewam kir.

Karbidestekî polês got ku heft endamên komîteyê li cihê bûyerê mirin, her wiha yekî din jî bi giranî birîndar bû û ji bo nexweşxaneyek nêzîk hate rakirin.

Peyamnêrê me diyar kir ku piştî bûyerê, hêzên ewlehiyê li herêmê dewriyeyên xwe zêde kirine û operasyoneke lêgerînê dane destpêkirin.

Heta niha ti rêxistinê berpirsiyariya êrîşê negirtiye ser xwe. (ÎLKHA)