Di qezaya madenê ya li Endonezyayê de, ku piştî nîvro pêk hat 7 karkeran canê xwe ji dest dan.

Hat ragihandin ku her heft karkerên ku di encama hezazê de li Kana Binerdî ya Grasberg Block Cave ya PT Freeport li parêzgeha Papua ya Navîn a Endonezyayê asê mabûn, mirine.

Bûyer, di 8ê Îlonê de li Mimika Regency qewimî.

Tîmeke hevbeş ji PT Freeport Indonesia, Wezareta Enerjî û Çavkaniyên Madenî, polêsên herêmî, Ajansa Lêgerîn û Rizgarkirinê ya Neteweyî û Ajansa Rêveberiya Karesatên Herêmî roja Yekşemê piştî 27 rojan ji hewldanên lêgerîn û rizgarkirinê yên berdewam, pênc cenazeyên dawî dîtin. Du qurbanîyên din di 20ê Îlonê de hatin dîtin.

PT Freeport Indonesia got ku pêvajoya vegerandinê ji ber cihê aloz û nêzîkî 800.000 ton maddeya şil (tevlîheviyek ji ax, herîyê, kevir û kevirên bi rêjeyek bilind a avê) ku cih binax kirîye pir dijwar bû.

Her çiqas lêpirsîna sedema qezayê berdewam bike jî, şîrketê ragihand ku ew ê pêvajoyek berfireh û zelal bicîh bînin da ku di pêşerojê de bûyerên bi vî rengî neqewimin. (ÎLKHA)