Li Xezzeyê digel agirbestê jî êrîş berdewam dikin, di 24 saetên dawî de 5 kes mirin û 11 kes birîndar bûn. Ji Cotmeha 2023an vir ve, hejmara giştî ya şehîdan gihîştiye 74.250 kesan.

Wezareta Tenduristiyê ya Filistînê ya li Xezzeyê derbarê qurbaniyên ku di êrîşên hêzên îşxalker ên siyonîst de li ser Xezzeyê çêbûne de daneyên nû parve kir.

Hat ragihandin ku di 24 saetên dawî de cenazeyên 5 şehîdan û 11 birîndaran ji nexweşxaneyên li Xezzeyê re hatine anîtin.

Di daxuyaniyê de hate destnîşankirin ku ji dema ku agirbest di Cotmeha 2025an de dest pê kir, di êrîşên dagirkeriyê de 1467 kes şehîd bûne û 5161 kes jî birîndar bûne.

Her wiha hat ragihandin ku di heman demê de 836 cenaze ji bin xirbeyan hatine derxistin.

Li gorî raporan, ji destpêka êrîşên li ser Xezzeyê di Cotmeha 2023an de heta niha hejmara şehîdan gihîştiye 74 hezar û 250 kesan û hejmara birîndaran jî gihîştiye 175 hezar û 278 kesan. (ÎLKHA)