Ensarullah, di mîtînga bi milyonan de daxuyand: Heyfa bi fuzeyên balîstîkî hat hedefgirtin

CÎHAN

Tevgera Berxwedana li Yemenê Ensarullah, daxuyand ku ew li Heyfayê “hedefekî jîyanî” ya sîyonîstê dijmin bi fuzeyên balîstîkî hedef girtin.

Berdevkê Hêzên Çekdar yê Ensarullahê Tûxgeneral Yehya Serî, ji bona ku desteka gelê Yemenê ya ji Xezze û Filistînê re nîşan bide bi milyonan mîtîngek li dar xistin, di mîtîngê de Serî daxuyand ku ew Heyfaya îşxalkirî bi fuzeyên balîstîkî hedef girtin.

Serî di daxuyanîya xwe de weha got:

“Ey ê ku îman anîtine! Heger hûn ji Xwedê re alîkarîyê bikin, ew ê jî ji we re alîkarîyê bike û wê nigê we sabît bike.

Yekîneyên fuzeyê ku girêdayê Hêzên Çekdar ê Yemenê ne, li herêma Heyfaya îşxalkirî hedefekî jîyanî ya îsraîlê dijmin bi fuzeya hîpersonîkî hedef girt. Ev operasyon, di nav du seatan de operasyona duyemîn e. Hemd ji Xwedê re fuze bi serfirazî gihaşt hedefa xwe û bi milyonan îşxalker mecbûr man ku revîyan sitargehan.”

Serî di berdewama daxuyanîya xwe de îfade kir ku divê welatên Ereb û Îslamê li hember gelên Filistîna mezlum mesulîyetên xwe yên dînî, exlaqî û însanî bi cîh bînin.

Serî, “Xwedê ji me re bes e, ew çi wekîlekî xweş e. Ew Mewlayekî çi xweş, çi alîkarekî xweş e. Her bijî Yemena azad, biîzzet û serbixwe! Zefer ew ê ya Yemen û ewladên azad ê hemû ummetê be.” (ÎLKHA)

Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.