Dr. Hûsam Ebû Safîye ku di Kanûna 2024an de ji teref sîyonîstan ve hatibû êsîrgirtin û hêna jî di zindanê de tê girtin, ji Dîyarîya Parêzvanên Mafên Însanan a Nîzar Benat a 2025an re layîq hat dîtin. Encax, malbata wî îfade dike ku ew bi pirsgirêkên mezin ê tenduristîyê re micadeleyê dike û ji muameleyên ne însanî re dûçarê dimîne.

Kurê Ebû Hûsam, Îlyas Ebû Safîye, layîqdîtina bavê xwe ya ji dîyarîyê re wek “Bibîrxistina sekina wî ya qehremanî û bi rûmetî ya ji bo xizmeta tenduristîyê ya ji gelê Xezzeyê re” nirxand.

Îlyas Ebû Safîya di daxuyanîya xwe ya ku derheqê rewşa dawîn a bavê xwe de da de got ku bavê wî di nav şertên ku di rewşa felaketê de ye de dijî, bi pirsgirêkên tenduristîyê ya ciddî re micadeleyê dike.

Hat îfadekirin ku doxtor 30 kîlo daye, ji dermanan mirûz tê hiştin û muameleyên ne li gorî însanînê jê re têne kirin.

Ebû Safîye, îfade kir ku îşxalkeran ji ber operasyonên Îranê ev bû mehekî ye zîyaretan asteng kirîye, ew hêvî dikin ku di meha tîrmehê de bavê xwe dikaribin xwe zîyaret bikin.

Dr. Hûsam Ebû Safîye, di 27ê Kanûna 2024an de, dema ku li Nexweşxaneya Kemal Advanê wezîfeya xwe bicîhdianît ji teref îşxalkeran ve hatibû desteserkirin. Ew wek xebatkarê tenduristîyê ku di orta herbê de wezîfeya xwe bicîhdianît tê naskirin.

Dîyarîya Nîzar Benat a 2025an, ji mirovên ku li Filistînê li hember zext û zilma ku tê kirin mafê gelê xwe bi cesaretî diparêzin re tê dayîn. Ev dîyarî, ji teref teşebûsekî mafên însanan a bi navê “Ji bo parêzêran Edalet” tê organîzekirin. (ÎLKHA)