Hat ragihandin ku di êrîşên rejîma îşxalker de li taxên başûrê Beyrûtê herî kêm sê kes şehîd bûne û 25 kes jî birîndar bûne.

Piştî çend rojan ji êrîşên ku li başûrê Lubnanê û Geliyê Bekayê hedef girtin, hêzên îşxalker îro rêze êrîş pêk anîn.

Medyaya Lubnanî ragihand ku balafirên îşxalker li ser herêmê firiyan û dû re teqînek mezin hat bihîstin.

Televîzyona Meyadîn ragihand ku di encama bombebarana rasterast a avahiyek niştecihbûnê li Haret Hreyk ji hêla balafirên îşxalker ve piştî geştên wan ên giran li herêmê, herî kêm 3 kes şehîd bûn û 25 kes birîndar bûn.

Televîzyonê piştrast kir ku êrîş qatên çaremîn û pêncemîn ên avahiyek 10 qatî li Kolana El-Arîd hedef girtiye, û destnîşan kir ku dronên siyonîst bi giranî li ser herêmê bi bilindahiyek nizm difirin.

Wezareta Tenduristiyê ragihand ku, li gorî raporên destpêkê, di êrîşê de kesek miriye û 21 kes birîndar bûne.

Dezgehên çapemeniyê yên Îbranî ragihandin ku armanca êrîşê li taxa başûr cîgirê fermandarê Hizbullahê, Ebû Elî el-Tebatabayî bû.

Siyonîstên îşxalker hefteya borî êrîşên xwe yên li ser hedefên li Lubnanê zêde kirin û doh jî di êrîşeke berfireh a li ser Xezzeyê de 22 kes şehîd kirin û bi dehan kes jî birîndar kirin.

Ji peymana agirbestê ya 27ê Mijdara 2014an vir ve îşxalkeran gelek caran taxên başûrê Beyrûtê hedef girtine. (ÎLKHA)