Çeteyên Cihû êrîşî bajarokê Surîfê yê li bakur-rojavayê El Xelîla Şerîaya Rojava ya îşxalkirî kirin û agir berdan zeviyên çandiniyê. Du Filistîniyên ku hewl dan êrîşê rawestînin ji teref leşkerên sîyonîst ve hatin birîndarkirin.

Çeteyên Cihûyan bi şev êrîşî bajarokê Surîf ê li bakur-rojavayê El Xelîlê kirin.

Êrîşkar ketin herêma el-Wetwat a nêzîkî wargeha "Beyt Ayn" a îşxalkirî û êrîşî sîvîlan kirin û agir berdan zeviyên çandiniyê.

Şahidan diyar kirin ku çeteyan zirar dane mal û zevîyên li herêmê û li Filistîniyên ku hatine cihê bûyerê dane.

Dema ku niştecihên herêmî hewl dan li hember êrîşê li ber xwe bidin, leşkerên îşxalker gihîştin cihê bûyerê û gule li ciwanên Filistînî reşandin. Di vê pêvajoyê de du Filistînî birîndar bûn.

Li gorî Komîteya Berxwedana Dijî Dîwar û Dijî Avakirina Wargehan a Filistînê, çeteyên Cihû yên sîyonîst di nîvê yekem ê sala 2025an de 2 hezar û 153 êrîş pêk anîne. Di van êrîşan de çar Filistînî hatine kuştin. Êrîş ji serdegirtinên gundan û êrîşên li ser mal û wesayîtan bigire heya desteserkirina erd û avakirina wargehên nû diguherin. (ÎLKHA)