عەبدولڕەحمان شەدید جەختی کردەوە هەنگاوی بەئەنقەستی ئیتمار بن گەڤیر ڕەفتارێکی تاوانکارانە و فاشیستانەیە کە دڕندەیی و داڕمانی رژێمی داگیرکەر نیشان دەدات.

عەبدولڕەحمان شەدید، لە سەرکردەکانی بزووتنەوەی خۆڕاگری ئیسلامیی حەماس سەبارەت بە هەنگاوی بەئەنقەستی ئیتمار بن گەڤیر، بەناو وەزیری توندڕەوی ئاسایشی ناوخۆی رژێمی سەهیۆنی، لە بڵاوکردنەوەی دیمەنەکانی دیلێکی فەلەستینی کە لە کاتێکدا دەستەکانی بەستراون، لەژێر هەڕەشەدا ناچار بە بۆیاخکردنی دیواری ژوورە تاکەکەسییەکەی دەکرێت وتی، "ئەوەی بن گەڤیر دژی دیلەکان لە ناو زیندانەکاندا ئەنجامی دەدات، هیچ نییە جگە لە هەوڵێکی بێهوودە بۆ پەردەپۆشکردنی دۆخی شکست و مایەپووچیی سیاسی و سەربازیی ئەم رژێمە."

شەدید جەختی کردەوە پێشێلکارییە ڕێکخراوەکانی رژێمی سەهیۆنی دژی دیلە ژن و پیاوە فەلەستینییەکان لە سنووری تیرۆریزم تێپەڕیوە و بەپێی یاسا نێودەوڵەتییەکان لە ئاستی تاوانە ڕێکخراوەکاندا بە هەموو پایەکانییەوە جێ دەگرێت.

ناوبراو هەنگاوی بن گەڤیر و دەوڵەتی سەهیۆنی لە شانازیکردن بە ئازار و ئەشکەنجەی دەروونی و جەستەیی دیلە بێبەرگرییەکان، تەنیا خۆڕاگری و پشوودرێژیی دیلە فەلەستینییەکان زیاد دەکات و ناتوانێت ئیرادەیان تێکبشکێنێت.

شەدید هەروەها وتی، "هەنگاوە تۆڵەسێنەرە بەردەوامەکان دژی دیلە فەلەستینییەکان، بەتایبەت پشتگوێخستنی ڕێکخراوی پزیشکی و سنووردارکردنی مافە بنەڕەتییەکانیان، پێویستی بە گرتنەبەری هەڵوێستێکی یەکگرتوو لە ئاستی نیشتمانیدا و دروستبوونی ڕاپەڕینێکی جەماوەری هەیە بۆ پشتیوانیکردن لە دیلەکان لە هەموو گۆڕەپانەکاندا و پاڵپشتیکردن لە بەرگری و خۆڕاگریی ئەوان لە بەرانبەر سەرکوتی رژێمی سەهیۆنیدا."

ناوبراو داوای لە دامەزراوەکانی مافی مرۆڤ و نێودەوڵەتی و ڕێکخراوەکانی سەر بە نەتەوە یەکگرتووەکان، بەتایبەت لیژنەی نێودەوڵەتیی خاچی سوور کرد بۆ ڕاگرتنی خێرای ئەم تاوان و پێشێلکارییە ئاشکرایانە دەستتێوەردان بکەن و بۆ لێپرسینەوە و سزادانی سەرکردەکانی رژێمی سەهیۆنی و دادگاییکردنیان لە دادگا نێودەوڵەتییەکاندا بەهۆی تاوان و پێشێلکارییە بەردەوامەکانەوە هەوڵ بدەن و کۆتایی بە تیرۆریزم دژی دیلە فەلەستینییەکان، خاک و گەلی فەلەستین بهێنن.(İLKHA)