ترامپ باسی لەوە کرد، لەدوای کۆتایی ئەمساڵ، ئەمریکا هاوکاریکردنی رژێمی داگیرکەر ڕادەگرێت.

دۆنالد ترامپ، سەرۆکی ئەمریکا ڕایگەیاند، لەگەڵ بنیامین نەتانیاهۆ، ڕێبەری سەهیۆنییەکان ڕێککەوتوون لەسەر ئەوەی واشنتۆن لە دوای کۆتایی ئەمساڵەوە پارەدارکردنی رژێمی داگیرکەر ڕابگرێت.

ترامپ دوای دەستپێکردنی هەڵبژاردنی ناوەڕاستی خولی ئەمریکا قسەی لەگەڵ فۆکس نیوز کرد و وتی، سەبارەت بە پارەدان بە ئیسرائیل، لەگەڵ نەتانیاهۆ ڕێککەوتین کە ساڵانە ٤ ملیار دۆلار بدات و چەند مانگێک لەمەوبەریش ڕێککەوتین کە ئەوە ڕابگرین.

ترامپ وتی "پێشتر ڕێککەوتووین کە تا کۆتایی ئەمساڵ پارە بە ئیسرائیل نەدەین، ئێستا ئەگەر پێویستیان پێی بێت ئێمە یارمەتی ئیسرائیل دەدەین".

ترامپ بەبێ ئەوەی وردەکارییەکانی باس لە چ جۆرە هاوکارییەک بکات، هەروەها وتی، "لە ڕاستیدا (نەتانیاهۆ) ئەمەی هێنایە ئاراوە و وتی، 'پێموایە گونجاو دەبێت بۆ ئێمە کە هاوکاری وەرنەگرین'، چونکە تێدەگات کە ئەمە یەکێکە لە خاڵە ناکۆکیەکانیان."(İLKHA)