وەزارەتی بەرگری ڕووسیا ڕایگەیاند، لەماوەی ٢٤ کاتژمێری ڕابردوودا، لە چوارچێوەی شەڕی ئۆکرانیا، شوێنی نیشتەجێبوونی پترۆپاڤلۆڤکا و لۆزۆڤایا لە ناوچەی خارکیڤ و مارینۆ لە ناوچەی سومی کەوتوونەتە ژێر کۆنترۆڵی هێزەکانی ڕووسیا.

وەزارەتی بەرگری ڕووسیا دوایین پێشهاتەکانی ٢٤ کاتژمێری ڕابردووی سەبارەت بەو "ئۆپەراسیۆنە سەربازییە تایبەتە" کە سوپای ڕووسیا لە ئۆکرانیا و دۆنباس ئەنجامی دەدات، بڵاوکردەوە.

لە بەیاننامەکەدا هاتووە، یەکەکانی گروپی سەربازی باکوور نیشتەجێگاکانی پترۆپاڤلۆڤکا و لۆزۆڤایا لە ناوچەی خارکیڤ و مارینینۆ لە ناوچەی سومی کۆنترۆڵ کردووە.

بەگوێرەی ئاماری وەزارەتی بەرگری ڕووسیا، لە ماوەی ٢٤ کاتژمێری ڕابردوودا هەزار و ٣٥٠ سەربازی ئۆکرانیا کوژراون.

باس لەوە کرا کە هێرشەکان بۆ سەر سەربازە گەمارۆدراوەکانی ئۆکرانیا لە ناوچەی خارکیڤ بەردەوامە و هەوڵەکانیان بۆ شکاندنی گەمارۆکە پووچەڵ کراوەتەوە.(İLKHA)