ژمارەی گیانلەدەستدان بەهۆی بوومەلەرزەکانی ٧.٢ و ٧.٥ پلە کە لە ٢٤ی حوزەیران ڤەنزوێلای گرتەوە، بۆ ٦ هەزار و ٥٠٩ کەس بەرزبووەتەوە و ژمارەی بریندارانیش گەیشتووەتە ١٦ هەزار و ٧٤٠ کەس.

جگە لە ئۆپەراسیۆنەکانی گەڕان و ڕزگارکردن کە لە دوای بوومەلەرزە لە وڵاتدا دەستیپێکردووە، چالاکییەکانی هەڵسەنگاندنی زیانەکانیش بەردەوامن.

دەسەڵاتداران ڕایانگەیاندووە، بەپێی دوایین داتای دەستکەوتوو لە کاتی ئۆپەراسیۆنەکاندا، ژمارەی گیانلەدەستدان گەیشتووەتە ٦ هەزار و ٥٠٩ کەس.

خۆرخی ڕۆدریگێز سەرۆکی ئەنجومەنی نیشتمانی ڤەنزوێلا لە هەژماری تایبەتی خۆی لە سۆشیال میدیا ڕایگەیاند، ژمارەی گیانلەدەستدان بە بەراورد بە داتاکانی پێشوو ٧١ کەس زیادی کردووە.

ڕۆدریگێز ئاماژەی بەوەشکردووە، ژمارەی بریندارانی ئەو ٢ بوومەلەرزەیە گەیشتووەتە ١٦ هەزار و ٧٤٠ کەس.(İLKHA)