لە پارێزگاکانی ڕۆژهەڵاتی وڵاتی جەزائیر بەهۆی گەرمای زۆرەوە ئاگر دەرکەوت و لە ئەنجامی ڕووداوەکەدا ١٢ کەس گیانیان لەدەستدا.

بەپێی ئەو زانیاریانەی کە سەعید سایوت وەزیری ناوخۆی جەزائیر بڵاوی کردووە، بە گشتی ١٢ کەس بەهۆی ئاگرکەوتنەوە لە دارستانەکان گیانیان لەدەستداوە.

بەڕێوەبەرایەتی گشتی بەرگری شارستانی ڕایگەیاند، لە کۆی ٥٨ ئاگرکەوتنەوە کە بەهۆی شەپۆلی گەرماوە دەستیپێکردوە، ٢١یان کۆنترۆڵکراون و دەستێوەردانی زەمینی و ئاسمانی لە ٣٧ شوێنی ماوەدا بەردەوامە.

مانگی ڕابردوو بەهۆی دەرکەوتنی ئاگر لە دارستانەکانی وڵات ٦ کەس گیانیان لەدەستدابوو.(İLKHA)