محەممەد ئەبووعەفەش، بەڕێوەبەری کۆمەڵەی فریاگوزاریی پزیشکی، سەبارەت بە قووڵبوونەوەی کارەساتی تەندروستی و مرۆیی لە کەرتی غەززە لە سایەی بەردەوامیی هێرشەکانی رژێمی سەهیۆنیدا هۆشداریی دا.

بە پێی بەیاننامەیەکی ناوەندی ڕاگەیاندی فەلەستین، محەممەد ئەبووعەفەش، بەڕێوەبەری کۆمەڵەی فریاگوزاریی پزیشکی، سەبارەت بە قووڵبوونەوەی کارەساتی تەندروستی و مرۆیی لە کەرتی غەززە لە سایەی بەردەوامیی هێرشەکانی رژێمی سەهیۆنیدا ڕایگەیاند، "غەززە ڕووبەڕووی کەمیی توندی دەرمان، ئامێر و پێداویستییە پزیشکییەکان و هەروەها خۆراک و ئاوی خواردنەوە بووەتەوە و بەهۆی بڵاوبوونەوەی نەخۆشییەکان، زیادبوونی ژمارەی قرتێنەرەکان، سەرڕێژبوونی ئاوەڕۆکان و کەڵەکەبوونی زبڵ و خاشاکەوە بووەتە ناوچەیەکی تەواو کارەساتبار."

ئەبووعەفەش زیادی کرد بەرزبوونەوەی توندی پلەکانی گەرما لە ناو خێوەتی ئاوارەکاندا، بووەتە هۆی زیادبوونی نائاسایی نەخۆشییە پێستییەکان و ئاوڵەی مریشک و ژمارەی تووشبووان بەم نەخۆشییانە گەیشتووەتە زیاتر لە ٥ هەزار حاڵەت لە هەفتەیەکدا.

بە وتەی ناوبراو، سیستەمی تەندروستی و چارەسەریی غەززە بەهۆی نەبوونی ناوەندەکانی کەرەنتینە و کەمیی ئیمکانات و ئامێرە پزیشکییە پێویستەکانەوە، توانای بەرگەگرتنی ئەم قەبارە گەورەیەی لە نەخۆشان نییە.(İLKHA)