13 oC 
Güneşli
هەزاران کەس لە ناوچە داگیرکراوەکان و بە تایبەتی لە تەلئەبیب ڕژانە سەر شەقامەکان و داوای کۆتاییهێنان بە هێرشەکانی سەر غەززە و ڕێککەوتنی ئاڵوگۆڕی دیلیان کرد.
خۆپیشاندانی بەرفراوان لە سەرانسەری ناوچە داگیرکراوەکان ئەنجام درا بۆ داواکردنی کۆتایی هێنان بە شەڕی غەززە. سەدان خۆپیشاندەر لە تەلئەبیب خوازیاری کۆتایی هێنان بە هێرشەکان و ڕێککەوتنی ئاڵوگۆڕی ئەسیران بوون.
خۆپیشاندەران شەقامی ئایلۆنیان داخست و تایەی ئۆتۆمبێلەکانیان سووتاند و ناوبەناو لەگەڵ پۆلیسدا تێکهەڵچوون. بەشێک لە خۆپیشاندەران هەڵیانکوتایە سەر ستۆدیۆی کەناڵێکی تەلەفزیۆنی بەناوبانگ و داوای کۆتاییهێنان بە شەڕەکانیان کرد.
بەشی پۆلیسی شارە گەورەکان دەستوەردانی لە خۆپیشاندانەکاندا کرد و خەڵکێکی زۆریان دەستبەسەر کرد. هاوکات هەڕەشە لە خۆپیشاندەران لەلایەن گروپە چەکدارە ڕاستڕەوەکانەوە بڵاوکرایەوە.
هەروەها بنەماڵەی دیلەکان لە دژی پەرەسەندنی شەڕەکە دەنگیان بەرزکردۆتەوە. خۆپیشاندەران بنیامین ناتانیاهۆی بەناو سەرۆک وەزیران تۆمەتبار دەکەن بەوەی ئەگەر پلانەکەی بۆ داگیرکردنی غەززە بە تەواوی جێبەجێ بکات، ژیانی منداڵەکانیان دەخاتە مەترسییەوە، هەروەها ڕایانگەیاندووە کە ڕێکاری یاسایی دەگرنەبەر.
پارتەکانی ئۆپۆزسیۆن نەتانیاهۆیان بەوە تۆمەتبار کردووە کە بە هۆکاری سیاسی ڕێگری لە دانوستانەکانی ئاڵوگۆڕی ئەسیرەکان لەگەڵ حەماس دەکات. ئەم پێشهاتانە دوای ئەوەی نەتانیاهۆ پلانی داگیرکردنی تەواوی غەززەی ڕاگەیاند، توندتر بوون.
بەپێی ئەو پلانە شاری غەززە دادەبەزێت بۆ ناوچەکانی باشووری خۆی و گەمارۆ دەدرێت و دواتر هێرشی زەمینی توند دەستپێدەکات. لە قۆناغی دووەمیشدا کەمپەکانی پەنابەران دەکرێنە ئامانج.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٥ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٢٢٧ کەس کە ١٠٣یان منداڵن.
ڕۆژنامەنووس و دەرهێنەر یوڤاڵ ئەبراهام ئاشکرای کرد کە هەواڵگری سەربازی سەهیۆنی شانەیەکیان بۆ دابینکردنی "شەرعیەت" بۆ سوپای داگیرکەر دامەزراندووە کە ڕۆژنامەنووسانی لە غەززە کردە ئامانج و تیرۆریان کرد.
ئەمریکا رایگەیاند کە ئاسمانی ناوچەکە بە شێوەیەکی کاتی دادەخات بەهۆی لوتکەی گرنگی پوتین و ترامپ کە بڕیارە لە ١٥ی ئاب لە ئەنکۆراجی پایتەختی ئالاسکا بەڕێوەبچێت.
کاربەدەستانی تەندروستی لە غەززە دەڵێن نەخۆشخانەکان پڕ بوونەتە و کەمی ئاوی پاک و خۆراک، هەزاران منداڵ دەخاتە دۆخێکی ناجێگیرەوە.
