لە ئەنجامی هێرشی هێزەکانی داگیرکەری سەهیۆنی بۆ سەر خاڵی دابەشکردنی هاوکاری و خێمەی پەنابەرانی فەلەستینی ٢٢ فەلەستینی شەهید بوون.

رژێمی داگیرکەری سەهیۆنی بە کۆمەڵکوژییەکانی نوێ بەردەوامە لە جینۆساید لە غەززە. ئەمڕۆ بەیانی لە ئەنجامی هێرش سەر خاڵی دابەشکردنی هاوکاری ١٢ فەلەستینی شەهید بوون و ژمارەی شەهیدەکان گەشتە ٢٢ کەس.

لە ئەنجامی هێرش سەر ناوچەی زەوایدە فەلەستینیێک بە ناوی حامد ئیبراهیم قورەیناوی و هاوسەرەکەی و ٣ منداڵەکەی شەهید بوون.

لە ئەنجامی هێرشی فڕۆکەی بێ فڕۆکەوان بۆ سەر باکووری خان یونس ئەحمەد ئەیوب و ئەنەس لە خانەوادەی سەموور شەهید بوون و ژمارەیەکی زۆر کەسیش بریندار بوون.

هەروەها هێرشێکی دیکە بۆ سەر خێمەی پەنابەران لە باکووری ڕۆژئاوای خان یونس ئەنجام درا و لە ئەنجامی هێرشەکەدا رەعنا رەمزی یەحیا ئەبو حەمرا و دایکەکەی حەنا ئەبو حەمرا شەهید بوون.

رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە بەردەوامە لە هێرش و کۆمەڵکوژی لە غەززە و گەماڕۆیێکی توندی بە سەر غەززە سەپاندووە.(İLKHA)