سائیل رەجەب ئەبو نەسڕ کە لە غەززە دەستبەسەر کرابوو لە زیندانەکانی رژێمی داگیرکەر شەهید بوو.

کۆمەڵەی ئەسیرانی فەلەستینی و شاندی ئەسیرەکان و ئازادکراوەکانی فەلەستینی لە ڕاگەیەندراوێکی هاوبەش باسیان لەوە کرد کە ئەبو نەسڕ لە تشرینی دووەمی ٢٠٢٣ لە غەززە دەستبەسەر کرابوو.

لە راگەیەندراوەکە باس لەوە کرا، ئەبو نەسڕ تەمەن ٦٠ ساڵە لە زیندانەکانی رژێمی داگیرکەر شەهید بووە.

لە بەردەوامی ڕاگەیەندراوەکە باس لەوە کرا کە لە ٧ی تشرینی یەکەمی ٢٠٢٣یەوە ژمارەی ئەو کەسانەی لە زیندانەکانی رژێمی داگیرکەر شەهید بوونەتە گەشتووە ٧٥ کەس کە ٤٦یان لە غەززە دەستبەسەر کرابوون.

جەخت لەوە کرا کە رژێمی داگیرکەر بە تایبەت بەردەوامە لە ئەشکەنجە و مامەڵەی خراپ لە دژی فەلەستینییەکانی کە لە غەززە دەستبەسەر کراون.

بە پێی راپۆرتەکانی ڕێکخراوەکانی مافی مرۆڤی فەلەستینی و میدیاکانی داگیرکەر، رژێمی داگیرکەر نزیکەی ١٠ هەزار و ٨٠٠ کەسی دەستبەسەر کردووە و بە هەموو جۆرەیەکی نامڕۆڤانە وەک برسێتی، کەمترخەمی پزیشکی، نەخۆشییەکان و لێدان ئەشکەنجە دەدات.(İLKHA)