هێزەکانی داگیرکەری سەهیۆنی هەڵکوتانە سەر ناوەندی تەندروستی ئونروا سەر بە نەتەوە یەکگرتووەکان لە کەناری ڕۆژئاوای داگیرکراو و ناوەندەکەیان وەک شوێنی دەستبەسەرکردن و ئەشکەنجەدانەوە بەکارهێنان.

هێزەکانی داگیرکەری سەهیۆنی هەڵکوتانە سەر ناوەندی تەندروستی ئاژانسی هاوکاری و ئاوادانی بۆ پەنابەرانی فەلەستینی لە ڕۆژهەڵاتی نزیک سەر بە نەتەوە یەکگرتووەکان لە کەناری ڕۆژئاوای داگیرکراو.

هێرشەکە ١٢ی شوبات ئەنجام درا و هێزەکانی داگیرکەر بە زۆرەوە چوونەتە ناوەندی تەندروستی لە کەمپی عەروب لە نزیکەی شاری بەیت لەحم و ناوەندەکەیان وەک شوێنی دەستبەسەرکردن و ئەشکەنجەدانەوە بەکارهێنا.

ئونروا لە راگەیەندراوێک جەختی لەوە کرد کە پارێزراوی بارەگاکانی نەتەوە یەکگرتووەکان پێشێل کراوە و لە ئۆکتۆبەری ٢٠٢٣یەوە بارەگاکانی نەتەوە یەکگرتووەکان لە کەناری ڕۆژئاوا چەندین جار رووبەرووی هێرشەکانی رژێمی داگیرکەر بوونەتەوە.

دوای دەستپێکردنی ئاگربەست لە کەناری غەززە لە ١٩ی مانگی ١، رژێمی داگیرکەری سەهیۆنی لە ٢١ی مانگ دەستی بە هێرشێک بەناوی "دیواری ئاسنی" بۆ سەر شاری جەنین کرد.(İLKHA)