وەقفی خێرخوازی کاروانی ئومێد پشتیوانی لە چالاکییەکانی نوژەنکردنەوەی ژێرخانی عەفرین کرد کە بەهۆی شەڕی ناوخۆیی سوریا وێران بوبوو و لە ئەنجامدا شەقامەکانی عەفرین ڕووناک کران.

جەعفەر ئۆکمەن سەرۆکی گشتی وەقفی کاروانی ئومێد سەبارەت بە چالاکییەکانی ئەنجامدراو ڕاگەیەندراوێکی بڵاو کردەوە.

ناوبراو ئاماژەی بەوە کرد کە نزیکەی ١٥ ساڵ بە سەر دەستپێکردنی شەڕی ناوخۆیی سوریا تێپەڕیوە و زیانێکی گەورە بە ژێرخانی وڵات گەشتووە.

ناوبراو وتی، "وەک دەزانن سوریا ساڵانێکی درێژە لە شەڕێکی قورسەوە تێپەڕیوە و بەداخەوە وەک ژمارەیەکی زۆر کەرتی ژێرخانی زیانێکی گەورە بە ژێرخانی کارەبایی گەشتووە. کێشەکان هێشتا بەردەوامن. ئێمە وەک کاروانی ئومێد بەردەوامین لە چالاکییەکانمان بۆ دروستکردنی ئایندەی سوریا. پشتگریمان لە دروستکردنی ستوونی ڕووناکی لە عەفرین کرد و بووینە وەسیلەی ڕووناک بوونی شەقامەکان. إن شاء الله، سوریا دەبێتە خاوەن ئایندەیەکی ڕووناک. ئەمە داخوازی ئێمەیە لە پەروەردگارمان."

ئامانجی پڕۆژەی ڕووناکی هەم بەشداریکردنە لە سەلامەتی خەڵکی ناوچەکە و هەم بوژاندنەوەی ژیانی کۆمەڵایەتی ناوچەکە.(İLKHA)