لە ئەنجامی ئۆپڕاسیۆنێکی ئاسایشی هەرێمی کوردستان دەست بە سەر ٥١ کیلۆگرام ماددەی هۆشبەردا گیرا.

تەواوی دەقی راگەیەندراوی هاوبەشی نێوان بەڕێوەبەرایەتی گشتی نەهێشتنی ماددە هۆشبەرەکان لە وەزارەتی ناخۆی عێراق و بەڕێوەبەرایەتی نەهێشتنی ماددە هۆشبەرەکانی دەزگای ئاسایش:

"لەدەرەنجامی بایەخدان و پشتگیری بێهاوتای سەرۆک وەزیرانی عێراق بەڕێز (محمد شیاع سودانی) و بونی هەماهەنگی ئەمنی هاوبەش لەنێوان بەڕێوەبەرایەتی گشتی نەهێشتنی ماددە هۆشبەرەکان و کارتێکارە ئەقڵیەکانی وەزارەتی ناوخۆی حکومەتی عێراق و هەرێمی کوردستان، هەروەها بەڕێز (عبد الامیر الشمری) وەزیری ناوخۆی حکومەتی عێراق و بەڕێز (لیوا/ ئەحمەد زەرگانی) و بەڕێز (هیوا ئەحمەد) سەرۆکی دەزگای ئاسایشی هەرێم.

لەسەر بنەمای کۆکردنەوەی زانیاری و بەدواداچوونی بەردەوام و کاری هاوبەش و ئاڵوگۆڕی زانیاری و کاری هاوبەش، کە بۆ ماوەی دوو هەفتەی خایاند، توانرا باندێکی نێودەوڵەتی مەترسیداری بازرگانی ماددەی هۆشبەر هەڵبوەشێنرێتەوە و سێ تۆمەتبار دەستگیرکران و دەستگیرا بەسەر بڕی (٥١) کیلۆگرام ماددەی کریستاڵ / شیشە، کە بەنیازبوون لە ناوخۆی هەرێم و شارەکانی عێراق ساغیبکەنەوە، لێرەوە بەپێویستی دەزانین سوپاسی هاوکارییە بەردەوامەکانی ئەنجومەنی باڵای دادگای لێکۆڵینەوەکان لەنێوان پارێزگای کەرکوک و سلێمانی بکەین و سەرجەم ئەو کەسانەی لەم پڕۆسەیەدا بەشداربوون، سوپاسی هاوکاری بەردەوامی هاوڵاتیان دەکەین هەمیشە هاوکارن لە پێدانی زانیاری بە دەزگاکەمان."(İLKHA)