Weqfa Êtîman ji bo hemî rêxistinên civaka sivîl bangek lezgîn kir ku ji bo deverên şer ên li Sûrîyeyê ku piraniya nifûsê wan Kurd e, alîkariyê bikin.

Serokê Weqfa Êtîman Fîkrî Karavîl li ser hesabê xwe yê medyaya civakî bangek kir, bal kişand ser krîza mirovî ya li Sûrîyeyê ku her ku diçe giran dibe û xwest ku lazimatîyên gelên bindest ên ku bi taybetî li Heleb, Efrîn, Qobanî, Hesekê û Qamîşlî ya ku şer û pevçûn lê diqewimin dijîn, werin temînkirin.

Karavîl diyar kir ku divê zehmetiyên ku gelê Kurd ê bindest ê li herêmê dijî û ne di nav şer û pevçûnan de ye, neyên paşguhkirin û weha got:

"Ev banga min ji bo hemû rêxistinên nehikûmî ye. Çawa ku we li hemû herêmên bindest xebata fedakar kirîye, dem hatiye ku hûn ji bo gelê Kurd ê bindest ku ne alîgirê şer û pevçûnan e, seferber bibin. Dem hatiye ku em li kêleka birayên xwe yên li Heleb, Efrîn, Qobanî, Hesekê û Qamîşlî bisekinin." (ÎLKHA)