Ji ber şewata ku ev bû çend roj e li Karabûk û Kastamonûyê diqewime gelek gund hatin valakirin, xebatên vemirandinê jî bi hemû dijwarîya xwe berdewam dike.

Şewata ku di 31ê Tebaxê de li navçeya Eflanîyê dest pê kir, mezin bû û belavê Araça navçeya Kastamonûyê bû.

Li gorî daxuyanîya ku ji teref Walîtîya Kastamonûyê ve hat belavkirin de; 17 helîkopter, 1 balafira tankerê, 21 tankerên avê, 32 qamyonên avê, 27 wesayîtên midexeleya lezgîn, 12 wesayîtên kar, 8 qamyon û treyler, 47 wesayît û 437 personel di vemirandina şewatê de wezîfe digrin. Berîya gundên Guzelce, Kiziloren, Ahatlar, Îhsanli û Şîrînguneyê ku hatibûn valakirin niha jî gundên Oycalî, Yeşîlova û Karacalarê jî di koordînasyona AFADê de hatin valakirin.

Hat destnîşankirin ku ji şewata li Karabûkê re jî 5 helîkopter, 101 wesayît û 379 personel midexeleyê dikin.

Rayedaran desntîşan kirin ku xebatên vemirandina şewatê bênavber berdewam dikin. (ÎLKHA)