Ji 10 welatan Parlamenter, ku ji Tirkîyeyê di nav de Seorkê Giştî yê HUDA PARê Zekerîya Yapicioglu jî heye, ji îdarevanên welatên Îslamî re nameyan şandin.

Hat îfadekirin ku parlamenteran ji serokan re di 7 sernavan de bang kirin.

Parlamenterên berê û yên ku niha li ser wezîfeyê ne ku nameyan îmzekirine, ji serokên dewletên ku endamê Teşkîlata Hevkarî ya Îslamê re şandine ev in: Ji Tirkîyeyê Serokê Giştî yê HUDA PARê Zekerîya Yapicioglu, ji Cezayîrê Abdulmecîd Munasara, ji Mexrîbê Abdullah Bîn Kîran, ji Misirê Eymen Nur, ji ENdonezyayê Muhammed Hîdaya Nur Wahîd, ji Îraqê Usame Nuceyfî, ji Yemenê Hamîd Bîn Abdullah el-Ahmar, ji Malezyayê Wan Faisal, ji Pakistanê Meşahîd Huseyîn, ji Filistînê Seyyîd Salîm Ebû Mesamîh

Di nameyê de hat gotin mucahid û Xelqê Filistînê li dijî rejima terorê û piştgirên qetlîmê tenê hatine hiştin lê belê armanca rejima terorê ne hew axên Filistînê ye. Hat gotin divê serokên dewletan hew peyv û gotinan nekin têkevin nava tevgerê.

Di nameyê de di bin 7 sernavan de bang li rêvebirên welatan hat kirin:

1 - Divê konvoyek mezin a Îslamî ya alîkariyan were amade kirin û ji 57 welatên Îslamê alîkarî bên şandin Derîyê Sînor ê Refahê.

2 - Divê Teşkîlata Hevkariya Îslamê, di vê çarçoveyê de daxuyanîyek bide û di daxuyanîyê de bê gotin ku astengkirina vê konvoyê sûc e.

3 - Divê bi temamî têkilîyên bi rejima terorê re hene bên qutkirin û meseleya Filistînê li Konseya Ewlehiyê ya NYyê bê axaftin.

4 - Divê gavek hevpar a Îslamî bê avêtin û serokên îşxalker di Mehkemeya Cezayê ya Navnetewî de bên mehkemekirin.

5 - Divê di warê aboriyê de welatên Îslamê hevpar tevbigerin û mueyyîdeyên giran bidin ser rejima terorê û hevparên wê.

6 - Divê medyayeke hevpar bê avakirin û bûyerên li Xezze û Filistînê diqewimin ji dinyayê re bê gotin.

7 - Divê ji bona qerarên berê yên derheqê Filistînê de hatibûn girtin têkeve heyatê teqwîmek bê eşkerekirin.

Di nameyê de hat gotin tiştên li Filistînê diqewimin hew xelqê Filistînê eleqedar nake temamê Misilmanan eleqedar dike û divê bi vî şeklî bê nirxandin. (ÎLKHA)