Di hilweşîna madena ku doh li navçeya Soma ya Manîsayê qewimî de, cenazeyên 3 karkerên dinê jî hatin derxistin. Hejmara karkerên ku di hilweşînê de canê xwe ji dest dan gihîşt 5 kesan, 2 karker jî sax hatin rizgarkirin.

Hejmara qurbaniyên hilweşîna madenê ya doh li madena taybet a li navçeya Soma ya Manîsayê gihîşt 5 kesan.

Heft karker di şikeftekê de asê man, di encama xebatên lêgerîn û rizgarkirinê de, du karker sax hatin rizgarkirin, cenazeyên Halit Ersay û Kerim Oren jî hatin derxistin.

Di xebatên rizgarkirinê yên ku tevahiya şevê berdewam kirin de, cenazeyên bêcan ên Ramazan Înce, Îsa Olcay û Ömer Karakaya yên ku di bin xirbeyan de asê mabûn jî hatin derxistin. Bi vî awayî, hejmara karkerên ku di bûyerê de canê xwe ji dest dane gihîşt 5an. (ÎLKHA)