Wezîrê Daristan û Çandinîyê Îbrahîm Yumakli, daxuyand ku 14 xirbeyên dinê jî ku ji ber nexweşînê hatibûn girtin hatin vekirin.

Di daxuyanîya ku ji teref Wezîr Yumakli ve hat belavkirin de hat îfadekirin ku li Tirkîyeyê ji sala 1965an vir ve cara yekem e nexweşîna Şapê (ku jê re têgotin SAT-1) tê dîtin, ji ber vê yekê Wezareta Daristan û Çandinîyê bi lez û bez dest bi tevgerê kir.

Yumakli destnîşan kir ku derman/vaksîna nexweşînê bi lez û bez hatîye amadekirin û ji bona ku nexweşîn zêde belav nebe, tevgerîya ajalan hatîye astengkirin, ji ber vê yekê xirbeyên bajaran hatine girtin.

Yumakli weha got, “Di vê pêvajoyê de 14 milyon doz vaksîn ji 81 bajaran re hatine sewqkirin. Bi xêra vaksînê pêşîya nexweşînê hatîye girtin, lê hêna jî ev pêvajo berdewam dike.

Wezîr Yumakli diyar kir ku li bajarên Colemêrg, Wan, Edîrne, Stenbol, Tekîrdax, Çeneqqele û Kirklarelî, dûre jî bajarên Çorim, Çanqiri, Nîxde, Aksaray, Newşehîr, Kirşehîr, Yozgat, Kirikkale, Enqere, Amasya, Bolû, Dûzce, Zongildax, Bartin, Karabûk, Kastamonû û Sînopê jî xirba heywanan hatin vekirin.

Yumakli destnîşan kir ku xirbeyên Yozgat, Sêwas, Qeyserî, Qonya, Efyon, Eskîşehîr, Kûtehya, Bîlecîk, Bûrsa, Balikesîr, Yalova, Qocaelî û Seqeryayê jî vê hefteyê hatin vekirin. (ÎLKHA)