Îro danê sibê li nêzîkî lîseya navçeya Turgutlu ya bajara Manîsayê di encama gulebaranê de 8 xwendekar birîndar bûn. Hat ragihandin ku êrîşkar hatiye binçavkirin.

Bûyer derdora saet 8:00ê sibê li taxa Albayrakê, li nêzîkî Lîseya Pîşeyî û Teknîkî ya Nîyazî Uzmez û Lîseya Pîşeyî û Teknîkî ya Anadoluyê ya Turgutlu Hasan Ferdi qewimî. Li gorî agahiyên hatine bidestxistin, kesek bi tifingeke pompeyî hatiye herêmê û gule berdaye derdorê.

Walîtiya Manîsayê diyar kir ku heşt xwendekarên ku di êrîşê de birîndar bûne rakirine nexweşxaneyên derdorê.

Hat ragihandin ku rewşa tenduristiyê ya du ji birîndaran hîn jî giran e û jiyana wan di talûkeyê de ye.

Piştî bûyerê, ekîbên polês ên ku lêpirsînê dimeşînin, şikdarê bi navê H.O., ku di sala 2011an de ji dayik bûye, binçav kirin.

Dîmenên kamerayên ewlehiyê yên kargeheke nêzîk bi zelalî nîşan didin ku şikdar bi aramî li kolanê dimeşe û çeka di destê xwe de kontrol dike.

Lêkolîneke berfireh derbarê bûyerê de berdewam dike.

Daxuyaniya Walîtîya Manîsayê

Walîtiya Manîsayê derbarê êrîşa çekdarî ya ku xwendekar tê de birîndar bûn de daxuyaniyek weşand.

"Di 22ê Îlona 2026an de, derdora saet 07:59an de, raporek hat wergirtin ku li nêzîkî Lîseya Anadoluyê ya Pîşeyî û Teknîkî ya İnci Üzmez a li navçeya Turgutluyê guleyek hatiye avêtin. Piştî vê raporê, gelek ekîbên ewlehî û tenduristiyê şandin herêmê. Raportên destpêkê nîşan didin ku 8 kes birîndar bûne. Birîndar ji bo saziya bijîşkî ya herî nêzîk hatine veguhastin. Piştî bûyerê, şikdarê ku tê bawerkirin ku çek teqandiye ji aliyê hêzên me yên ewlehiyê ve hatiye girtin û hatiye binçavkirin. Derbarê bûyerê de lêpirsînek dadwerî û îdarî hatiye destpêkirin, û pêşketinên din dê bi raya giştî re werin parvekirin."  (ÎLKHA)