Berdevkê HUDA PARê Serkan Ramanli, li Meclîsê daxuyanî da, Ramanli derheqê kêmbûna pileya zarokên ku têne dinyaya, tedawîya ji bo çêkirina zarokan û rejima îşxalker de agahîyan da.

Parlamenterê Êlihê û Berdevkê HUDA PARê Serkan Ramanli, li Meclîsê daxuyanîyeke çapemenîyê tertîp kir.

“Divê Teşkîlata Hevkar a Îslamê bi lez û bez bicive û li hember rejima sîyonîst tedbîrên sîyasî, aborî û hege mimkinbe leşkerî bigrin”

Ramanli di daxuyanîya xwe de weha got, “Em êrîşên rejima îşxalker diaxivin. Ji ber sûcên ku têne kirin bêav û bêxwarinê pileya birçîbûnî û tîbûnîyê gelek zêde bûye. Rejima îşxalker tenê êrîşê Xezzeyê nake ew êrîşê Libnan û Yemenê jî dike, di demên dawîn de dest bi êrîşkirina Sûrîyeyê jî kirîye.  Bi rastî em tev dizanin ku çebekeya sîyonîst dixwaze çi bike. Ew ji bona îşxal û polîtîkayên xwe bikabînin cîhanekî bêîstîqrar û bêqanûn dixwazin. Di vê çarçoveyê de Sûrîyeyê hedef girtîye. Li Sûrîyeyê di bin navê beheneya parastina durzîyan van karên xwe bikartîneû em wan êrîşan jî şermezar dikin. Em tenê şermezar nakin ji welatên Îslamê jî dixwazin ku çi dikin bila bikin li hember rejima sîyonîst tedbîran bigrin. Divê Teşkîlata Hevkar a Îslamê bi lez û bez bicive û li hember rejima sîyonîst tedbîrên sîyasî, aborî û hege mimkinbe leşkerî bigrin. Nexwe hûn dibînin, îşxala Xezzeyê, Filistîn, Libnan, îro Sûrîye û dibe ku sibe jî dor were dora Tirkîyeyê. Ji ber vê yekê divê em tedbîrên xwe bigrin.” (ÎLKHA)