Hêzên Çekdar ê Yemenê, ji bo bersivdayîna ji qirkirina li Xezzeyê ji Balafirgeha Lod (Ben Gurion)a ku li axên îşxalkirîye operasyona fuzeyê avêt.

Di daxuyanîya ku ji teref hêzên çekdar ve hat belavkirin de, hat îfadekirin ku armanca operasyonê, “Ji mezlumîyeta gelê Filistînê re û ji bo destekdayîna ji micahîdên Xezzeyê re” hatîye lidarxistin.

Li gorî daxuyanîyê fuzeyek balîstîkî ya bi navê “Filistin-2” Balafirgeha Lod a li axên îşxalkirî hedef girt.

Hat destnîşankirin ku operasyon bi serfirazî hat lidarxistin, îşxalkerên sîyonîst revîyane nav sitargehan, xebatên balafirgehê hatine sekinandin û du roj li her hev hatine balafira kargoya leşkerî ya Emrîkayê hat astengkirin.

Hêzên Çekdar ê Yemenê, di daxuyanîya xwe de weha got:

“Ew ê gelê Yemenê tu dem li hember qirkirina rejima îşxalker a li Xezzeyê bêdeng nemîne. Desteka me ya ji doza Filistîna mafdar û berxwedêran re bidome. Heta ku dorpêça li dijî Xezzeyê bê dawîkirin û êrîş bêne sekinandin dê operasyonên me jî berdewam bikin.”

Di daxuyanîyê de bal hat kişandin ku Yemen wê azad, birûmet û serxwebûn be. Ji bo gelê berxwedar û bisebr ê li Xezzeyê dua hat kirin û ji bo berxwedêran jî ji Xwedê daxwazîya alîkarîyê hati kirin.

Dawîya daxuyanîyê “Xwedê ji me re bes e, Ew wekîlekî çi xweşik e. Zefer yê Yemenê ye û yê zarokên azad ên ummetê ne.” Bû. (ÎLKHA)