Donald Trumpê Serokê Emrîkayê gotinên weşana siyonîst ê ku dibêje êsîrên li Xezzeyê ne weke “Mertala Zindî” bikar tîne, dubare kir. HAMAS jî van gotinan weke “derewên diyarin û propagandayên ku xizmetî îşxalkeran dike ye.”

Donald Trumpê Serokê Emrîkayê di axaftina xwe ya ku roja duşembê kir de îddîa kir ew hin raporan dîtiye ku HAMAS êsîrên di desta wan de ye derdixe û “di êrîşên rejîma siyonîstan de weke mertela zindî tên bikaranîn.”

Trump vî tiştî weke “ji bo însanîyetê wehşeteke ku zêde nayê dîtin e” û xwest ku êsîr bên serbest berdan.

HAMAS jî li dijî vê yekê daxuyaniyeke tund da û ragihand, “bi temamî derew e, propagandayên ku xizmetî îşxalkeran dike ye û tê xwestin ku komkujî bê veşartîn.”

Di daxuyaniyê de hat gotin ku, “Rêveberîya Emerîkayê şehîd kirina 65 hezar kesên bêsûx nabîne û dewsa kesê sûcdar qurbanan hedef digire.”

Hereket tekez kir ku Netanyahu, bi piştgiriya Washingtonê, hemû derfetên muzakereyê sabote kiriye û heta vê dawiyê jî hewl daye ku heyeta danûstandinê bike hedef. Di daxuyaniyê de tekez kir ku "Netanyahu bi tevahî berpirsiyarê aqibeta girtiyan e".

Di heman demê de, tê îdiakirin ku Wezîrê Derve yê Emerîkayê Marco Rubio di têkiliyên xwe yên li herêmê de hewl daye rola navbeynkariyê ya Qeterê ji nû ve vejîne. (ÎLKHA)